buy nexium (20 mg, 40 mg) online legit furadantin (nitrofurantoin) 100 mg buy online buy voltarol 100 mg online cheap buy viagra super active (100 mg) pharmacy nitrofurazone 25 mg order online

Kamonyi: Kubura kwa Kontabule wa Kayenzi kurakangurira inzego kuba maso

Umucungamutungo w’umurenge wa Kayenzi mu karere ka Kamonyi yafatiwe mu makosa yo guhimba imikono akiba amafaranga, nyamara umuyobozi w’akarere akavuga ko umukozi ari ukubura ku kazi.

Inkuru yo kubura kwa Cyiza Yves yamenyekanye mu ntangiriro z’iki cyumweru ubwo atabonekaga ku kazi. Amakosa yo gusinyira bagenzi be mu mpapuro yo yamenyekanye kuwa gatanu tariki ya 24 Mutarama, nyamara aho guhita afatwa ngo abibazwe, bamwe mu bo bakorana baramuburiye ntiyongera kugaruka ku kazi.

Nyuma bihutiye kubimeneysha ubuyobozi bw’akarere mu rwego rwo kugisha inama ku cyamukorerwa; akarere nako kohereza abagenzuzi kuri uyu wa gatatu n’uyu wa kane, basanga we ntawe uri ku kazi.

Amakuru yizewe n’agera ku kinyamakuru Intyoza, Cyiza arakekwaho kuba yarafashe amafaranga muri banki akoresheje amayeri, aho yasinyiye bagenzi be. “Amakuru agera ku Intyoza.com avuga ko uyu mukozi yaba yarafashe Sheki( Cheque) yifashisha mu kubikuza amafaranga y’umurenge wa Kayenzi, akigana imikono y’abasanzwe bemerewe gusinya ubundi ayiha undi muntu ajya muri Banki arabikuza.

Nyuma y’aho bimenyekaniye, hari abamuburiye (barimo abamenye amakosa ye mbere basanzwe bakorana) ko agiye gufatwa yahise ashaka uko agenda kuva uwo munsi ntarongera kuboneka mu kazi.

N’umuyobozi w’akarere ka Kamonyi, Kayitesi Alice avuka ko ayo makuru ari impamo, ko kuva kuwa gatanu uyu mukozi atagaragara mu kazi. Ariko ati, “ibijyanye n’amafaranga yatwaye byo ntabyo nzi. Turimo kumukurikirana nk’umukozi utaza mu kazi. Nyuma y’iminsi 15 atari mu kazi afatwa nk’uwagataye”.

Si ugusinyira abandi gusa, Kayenzi yarazahaye

Ibibazo biri mu murenge wa Kayenzi bijya gusa n’ibyo wasanga mu yindi mirenge ya Kamonyi nka Rugarika, Runda, Mugina n’indi.
Birakangurira abayobozi, bagenzuzi n’abagenzacyaha kuba maso batazajya bibuka gukurikirana ibintu uwakoze icyaha yamaze kubura.

Ibibazo byinshi bigaragara mu kubakira abatishoboye, kwita ku basigajwe inyuma n’amateka n’ibindi. Izi ni gahunda zizahara kuko abagenerwabikorwa bazo basa n’abatabasha kwivugira.

Ikindi inzego zigomba kumenya ntabwo Kontabule akora wenyine, byinshi usanga afatanya na bamwe mu bakamukurikiranye, barimo Gitifu w’umurenge, uwitwa Admin, ushinzwe imiturire cyangwa n’ushinzwe imibereho myiza y’abaturage.

Bimwe mu byo inzego zakwitaho muri Kayenzi

Muri uyu murenge hagaragaramo ibikorwa bidindira kubera inyungu za bamwe bagamije gukoresha umutungo wa Leta nabi. Ingero: Inzu zubakirwa abatishoboye, umuturage wamaze imyaka ibiri yishyuza akarere ubukode bwa Poste de Sante, Urutindo rwubatswe rukagwa rutaratahwa, ikibanza cyaguzwe kigasizwa nticyubakwemo, n’ibindi.

Muri Kanama 2019, mu kagari ka Kirwa hubatswe urutindo rwagombaga guhuza abaturage b’umudugudu wa Ruheka na Gitwa. Rwatwaye asaga miliyoni eshatu, nyamara mu Ukuboza uwo mwaka rwaje gutwarwa n’amazi rutaratahwa.

Bamwe mu baturage bahaturiye bavuga ko rwari rwarasondetswe na Rwiyemezamirimo. Abandi bafite ko Rwiyemezamirimo naboneka azabashumbusha, nubwo hari abavuga ko atazaboneka ngo “kuko yari yarashyizweho ku bufatanye bwa admin na comptable”.

Hanyuma bakanababazwa n’ibiti bikomeye byari birutinze mbere byapakiwe Fuso bigatwarwa aho batazi. Ku bijyanye n’inzu zubakirwa abatishoboye, hari abaturage bashyizwe ku rutonde rw’abubakirwa kuva mu 2016 nyamara bageze 2019 batarahabwa inzu.

Mu gihe abubakirwa baba mu byiciro bitatu: abatishiboye, abasenyewe n’ibiza ndetse n’abakuwa mu manegeka; bivugwa ko umuturage umwe ashobora kushyirwa ku ntonde zirenze rumwe, kandi mu myaka itandukanye.

Ikiba kigamijwe ni uguhora asabirwa ubufasha hose, nyamara amabati n’ibikoresho byagera ku murenge ntibikoreshwe icyo byagenewe. Ikimenyimenyi ni ikibanza cyaguzwe n’umurenge mu 2017, abaturage bagisiza harimo n’abiteguraga kubakirwamo, nyamara kimaze gutunga babwirwa ko aho hantu ari habi hatacyubatswe.

Amakuru atangwa n’uwakiguzweho avuga ko (mu 2019) bataranahinduza ngo cyandikwe ku murenge ujya unagisorera. Sibogihanga, umwe mu baturage wagombaga kubakirwamo inzu wo mu kagari ka Kirwa, Bwiza.com yamusanze mu nzu y’icyumba kimwe, asembereyemo n’abana batanu, amatungo kandi itanagira ubwiherero (noneho ubu yamazwe gutuzwa ahitwa muri 19).

Muri icyo gihe kandi byavugwaga ko amabati yo kubaka izo nzu yageze ku murenge, akajya akurwa mu bubiko uruhongohongo. Mu kagari ka Cubi havugwaga umuturage wishyuzaga akarere ubukode bwa Poste de Sante yakoreyemo imyaka irenga ibiri. Nyuma iyo Poste de Sante yaje guhagarara, uwayikoreragamo asiga ayifunze, nyirinzu akomeza gusiragira yishyuza ubukode atahawe ntanasubizwe inzu ye.

Mu yindi mirenge hari byinshi byavuzwe n’ibyanditswe, ariko inzego zigomba kuba maso, zikareba niba ubufasha bugenerwa abasigajwe inyuma n’amateka bubageraho, imicungire ya VUP, ubufasha bugenerwa abasenyewe n’ibiza, zikamenya neza uko amakonti y’imirenge akoreshwa, zigakurikirana uko amasoko atangwa n’uburyo ashyirwa mu bikorwa, hitabwa ku mwimerere w’inyandiko zishyikirizwa utunama tubishinzwe; ndetse n’ubunararibonye bw’abatsindira n’ibindi. Ikindi bukihutira gusenya “ikiguri nunga” na “duhishirane” mu micungire mibi y’ibya rubanda.

src: Bwiza.com

Related Posts

(Visited 1 times, 1 visits today)

Leave a Reply

Your email address will not be published. Required fields are marked *