buy menosan (60caps) online from canada discount retrovir (zidovudine) 100 mg, 300 mg buy liv.52 online legit buy prilosec (omeprazole) 10 mg australia buy generic proscar buying ditropan 2,5 mg

Rayon Sports yamaze kujuririra ibihano yafatiwe na FERWAFA

Ubuyobozi bwa Rayon Sports bwamaze kwandikira Komisiyo y’Ubujuriremu Ishyirahamwe ry’Umupira w’Amaguru mu Rwanda bitewe n’ibihano iheruka gufatirwa n’iri Shyirahamwe kubera ko itakinnye Irushanwa ry’Ubutwari ryakinwe kuva tariki ya 25 Mutarama kugeza ku wa 1 Gashyantare 2020.

Habura umunsi umwe ngo iri rushanwa ritangire nibwo Ubuyobozi bwa Rayon Sports bwatangaje ko butazarikina kuko bwangiwe gukinisha abakinnyi bose barimo n’abatarabona ibyangombwa.

Kiyovu Sports yabaye iya gatanu mu mwaka ushize w’imikino, ni yo yasimbuye Rayon Sports yatwaye Shampiyona, muri iri rushanwa rihuza amakipe ane ya mbere, uyu mwaka ryegukanywe na APR FC.

Ku wa Gatandatu nibwo FERWAFA yatangaje ko yahanishije Rayon Sports  kutitabira irushanwa ry’Ubutwari mu mwaka utaha wa 2021, kudakina imikino ya gicuti mu Rwanda no hanze mu gihe cy’umwaka no kwishyura amande y’ibihumbi 300 Frw.

Kuri uwo mugoroba, Rayon Sports yahise ikora inama y’igitaraganya kugira ngo yige icyakorwa kuri ibi bihano bya FERWAFA.

NK’uko Umuvugizi wayo, Nkurunziza Jean Paul, yabyemereye IGIHE NOZA.RW ikesha iyi nkuru, iyi kipe yamaze kwandikira FERWAFA ijuririra ibihano yahawe.

Ati “Twamaze kwandika, ibaruwa twayibahaye. Dutegereje kumenya icyo badusubiza.”

Ibi bihano Rayon Sports yahawe byavuzweho bitandukanye n’abatari bake barimo n’Umuyobozi wa Rayon Sports,Munyakazi Sadate wavuze uko icyemezo FERWAFA yafashe Atari icyo kwihanganira

Ati “Ibi bihano ntabwo bikurikije amategeko kuko ntabwo twigeze twemeza ko Rayon Sports izitabira imikino y’Ubutwari nyuma ngo tube twaraje kurivamo. Aka ni akarengane kadashobora kurangira gutyo, kuko umupira w’amaguru ufite amategeko awugenga, by’umwihariko igihugu cyacu kigendera ku mategeko nta muntu warenganya undi mu 2020.”

Rayon Sports ya kabiri muri Shampiyona n’amanota 41, aho irushwa amanota ane na APR FC ya mbere, iri kwitegura umukino wo kwishyura mu ijonjora ry’ibanze ry’Igikombe cy’Amahoro, izakirwamo na Intare FC ku wa Gatatu. Umukino ubanza warangiye iyi kipe yambara ubururu n’umweru itsinze ibitego 4-0.

Related Posts

(Visited 1 times, 1 visits today)

Leave a Reply

Your email address will not be published. Required fields are marked *