buy cephalexin (cephalexin) 500 mg through canada buy azulfidine (sulfasalazine) 500 mg mexico cheap sustiva online kamagra flavored (sildenafil citrate) 100 mg buy online india

Minisitiri Shyaka yasubije abafite ibibazo cy’umusatsi, inzoga mu maduka n’ibiribwa ku masoko.>>>

Mu gihe Isi ihangayikishijwe n’ikwirakwira ry’icyorezo cya COVID-19, cyatumye bimwe mu bikorwa bitandukanye bihagarara hirya no hino, abaturage baragirwa inama yo kwihanganira bimwe mu byo batakibasha kubona igihe cyose babyifuje kuko Isi iri mu bihe bidasanzwe.

Ibi byagarutsweho na Minisitiri w’Ubutegetsi bw’Igihugu, Prof Shyaka Anastase, kuri uyu wa Gatatu, tariki ya 25 Werurwe 2020, aho bamwe mu baturage bahawe umwanya wo kubaza ibibazo bitandukanye bijyanye n’ingamba zafashwe na Guverinoma y’u Rwanda mu kwirinda no gukumira ikwirakwira rya Coronavirus.

Bimwe mu bibazo Minisitiri Shyaka yasubije, harimo icy’inzoga zicururizwa mu maduka asanzwe atari utubari, aho byagaragaye ko hari abafite impungenge kubera hari abahanwe bazira gucuruza inzoga mu buryo bunyuranye n’amabwiriza yashyizweho.

Yavuze ko gucuruza inzoga nta kibazo kirimo, ahubwo ko ikibujijwe ari utubari dushobora kuba intandaro yo guhuriza hamwe abantu kandi binyuranye n’ingamba zo kwirinda no gukumira ikwirakwira rya COVID-19.

Ati “Nta cyaha kiri mu gucuruza inzoga, umuceri, n’ibindi; ahubwo uko biba byagenze buriya […] baba bahahinduye akabari. Ntibibujijwe ko Umunyarwanda ajya mu mangazini akagura akayoga, akagatwara iwe, ikitemewe ni uko yakwicara aho akahahindura akabari.”

Yakomeje avuga ko amabwiriza yashyizweho atabuza abantu kunywa inzoga, ahubwo abuza gufungura utubari kuko umuntu yemerewe kuyigura akajya kuyinywera mu rugo.

Minisitiri Shyaka kandi yakomoje ku kibazo cy’ababuze aho bajya kwiyogoshesha umusatsi, avuga ko abantu bashobora kucyihanganira kugeza igihe cyatanzwe mu mabwiriza kirangiye.

Ati “Ntabwo ikibazo cy’umusatsi kiri muri bya bindi by’ibanze; ushaka kwiyogoshesha akwiye kwibaza niba ugiye kumwogosha yapimwe, adashobora kumwanduza […] ubwo buzima bw’imisatsi twabworoshya, ibyumweru bibiri si ikinyejana.”

Ku kibazo cy’ibiribwa u Rwanda rufite ku buryo bishobora kuzahaza Abanyarwanda muri iki gihe gikomeye, Prof Shyaka yasubije ko u Rwanda nta kibazo cy’ibiribwa rufite kuko ibikorwa by’ubuhinzi byakomeje gukorwa ndetse n’abazana ibiribwa ku masoko bakaba bakibikora nk’ibisanzwe.

Ati “Gushyiraho ingano y’ibyo abantu batagomba kurenza igihe bari guhaha byatewe nuko hari abashakaga guhaha byinshi mu buryo bushobora kubeshya isoko, bikaba byateza icyuho kuko abantu bari kwibwira ko ibiribwa byashize kandi byahunitswe mu ngo z’abantu.”

Minisitiri Shyaka avuga ko ibyo byari guhungabanya isoko, abacuruzi bakazamura ibiciro ku buryo butari ngombwa ndetse bigahungabanya ubukungu bw’igihugu muri rusange.

Yakomeje avuga ko uyu mwaka u Rwanda rwejeje umusaruro w’ibiribwa by’ibanze mwinshi kuruta umwaka ushize, bityo ko abantu badakwiye kugira impungenge.

Nyuma y’itangazo risaba Abanyarwanda kuguma mu ngo mu rwego rwo gukumira no kurinda ikwirakwira rya Coronavirus, benshi mu Banyarwanda by’umwihariko abatuye mu Mujyi wa Kigali biraye mu maduka barahaha, bituma n’abacuruzi bazamura ibiciro ku buryo buhanitse.

Nyuma y’aho Minisiteri y’Ubucuruzi n’Inganda yasohoye itangazo rikubiyemo ibiciro abacuruzi basabwa gukurikiza muri ibi bihe, ndetse inizeza Abanyarwanda ko ibicuruzwa byaba iby’imbere mu gihugu n’ibiva hanze bizakomeza gutwarwa nk’ibisanzwe n’ubwo ingendo z’ibindi binyabiziga zo zahagaritswe.

SRC: IGIHE

Related Posts

(Visited 1 times, 1 visits today)

Leave a Reply

Your email address will not be published. Required fields are marked *