buy generic ditropan buy imdur (isosorbide) 30 mg canada online buy cialis super active without a prescription megathin online order discount doxylamine buy biotin online canada

Kayonza: Abasaga 120 baciwe asaga 2,000,000FRW kubera kurenga ku mabwiriza yo kwirinda Coronavirus

Abaturage 124 bo mu Karere ka Kayonza mu mirenge itandukanye,baciwe amande angana na miliyoni 2 065 000 Frw nyuma yo kurenga ku mabwiriza ajyanye no kwirinda icyorezo cya COVID-19 giterwa na Coronavirus.

Kuva ku wa 21 Werurwe 2020, Minisitiri w’Intebe yatangaje ko hakwiye kongerwa imbaraga mu gukumira ikwirakwira rya COVID-19 mu Rwanda, ingamba zarakajijwe mu gihe cy’ibyumweru bibiri ndetse bishobora no kongerwa.

Mu ngamba zatangajwe ndetse zigahita zitangira kubahirizwa saa 23h59 zo ku itariki 21 harimo “Gusohoka mu rugo nta mpamvu zihutirwa birabujijwe, keretse abajya gutanga bo gushaka serivisi z’ingenzi harimo kwivuza, guhaha, serivisi za banki n’izindi.”

Hari bamwe mu baturage batarubahirije izi gahunda ari nayo mpamvu bacibwa amande. Benshi mu baciwe amande bakaba barafashwe bacuruje inzoga mu tubari mu buryo butemewe, gufungura salon zogosherwamo n’izitunganya imisatsi, gukora inzoga z’inkorano n’ibindi.

Umuyobozi w’Akarere ka Kayonza Murenzi Jean Claude yabwiye IGIHE ko abamaze gucibwa amande barenga 120.

Yagize ati “Abo twaciye amande ni abantu baba bafunguye mu buryo bunyuranyije n’amabwiriza yatanzwe, abo tumaze guhana bararenga 120 twabaciye arenga gato miliyoni ebyiri, abenshi usanga ari abakora inzoga zitemewe n’ibindi.”

Uyu muyobozi yavuze ko basaba abaturage kuguma iwabo bakirinda kurenga ku mabwiriza yatanzwe ahubwo bakubahiriza gahunda za leta, yasabye bamwe mu baturage barenga ku mabwiriza bahawe kubireka ngo kuko byabakururira gukomeza guhanwa.

Kugeza ubu abantu 54 nibo bamaze kugaragarwaho n’iki cyorezo cya COVID-19 giterwa na Coronavirus. Minisiteri y’Ubuzima itangaza ko abarwayi bahuye n’abandi bantu 1200, abarenga 900 bamaze gukurikiranwa harebwa niba bataranduye.

Ibimenyetso bya COVID-19 birimo kugira umuriro, ibicurane, umunaniro n’inkorora ijyana no kubabara mu mihogo, guhumeka bigoranye bishobora kugera aho bitera umusonga nawo ushobora kubyara urupfu.

Related Posts

(Visited 1 times, 1 visits today)

Leave a Reply

Your email address will not be published. Required fields are marked *